Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

Mobilizaçons ponhem de novo em evidência o modelo Inditex

Quinta-feira, 13 Outubro 2011

Trabalhadoras e trabalhadores de Zara, o estandarte do grupo Inditex, mobilizárom-se para exigir o cumprimento do convénio do comércio vário da província da Corunha e denunciar os altos índices de precariedade laboral que se registam na empresa. As trabalhadoras concentrárom-se ante umha das lojas de Zara na capital galega, para protestar polo incumprimento reiterado do artigo 15 desse convénio, que obriga a empresa a respeitar o direito preferente dos trabalhadores a tempo parcial a aumentar a sua jornada laboral sobre a formalizaçom de novas contrataçons.

As mobilizaçons chegam num momento extremamente doce para o grupo. Enquanto promove a precariedade laboral, o grupo encerrou o primeiro semestre fiscal, que vai de fevereiro a julho, com uns lucros líquidos de 717 milhons de euros, o que supom um incremento de 14% em relaçom ao mesmo período do ano anterior.

Se há poucos dias assistimos às denúncias chegadas do Brasil que provavam a utilizaçom por parte desse grupo empresarial de mao de obra em condiçons de escravidom, agora som os próprios trabalhadores e trabalhadoras do grupo que ponhem de novo em evidência as práticas deste grupo empresarial, que goza de umha enorme proteçom por parte da imprensa corporativa.