Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Internacional, Notícias

PSOE converte Estado espanhol em peça “decisiva” do escudo antimísseis da NATO

Terça-feira, 11 Outubro 2011

O Estado espanhol acabou de anunciar que realizará um contributo decisivo para o chamado escudo antimísseis da NATO, ideado durante a administraçom Bush e que agora adotou a administraçom Obama. Em virtude deste acordo, que se desenvolverá no quadro do acordo que o Estado espanhol mantém com os EUA, a localidade andaluza de Rota vai converter-se na base de quatro barcos de avançada tecnologia e mais de 1300 militares norte-americanos.

Zapatero realizou o anúncio na sede da NATO, junto com o seu secretário-general, Anders Fogh Rasmussen, e o secretário de Defesa dos EUA, Leon Panetta. O anúncio nom deixa de ser surpreendente, sobretodo porque quando Aznar apoiou o projeto original do escudo há agora dez anos, foi duramente criticado polo atual presidente espanhol.

O programa promovido polo infame nobel da Paz Barack Obama pouco dista do projeto inicial ideado pola administraçom Bush. Apesar da insistência de Zapatero, o escudo antimísseis nom é umha ferramenta defensiva, e sim um sistema de armas ameaçador para outros países chave na estratégia da dominaçom imperialista dos EUA. O submetimento do PSOE e do Estado espanhol às directrizes militaristas pom-se de novo em evidência com esta transcendental decisom.