Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Internacional, Nacional, Notícias

O Bourbon afirma que “teremos que fazer bastantes sacrifícios”

Quinta-feira, 29 Setembro 2011

O torrente de atos institucionais que sucedem à dissoluçom das cortes e ao período eleitoral, foi o cenário escolhido polo monarca espanhol para augurar novos sacrifícios por causa da crise sistémica que atravessa o capitalismo. O ato em que foi feita tal revelaçom foi o jantar institucional que reúne altos representantes do Estado, tais como o presidente do governo, do Parlamento, do Senado e do Supremo Tribunal, que apesar de se realizar cada mês, continha umha carga especial por ser a última para muitos dos seus assistentes.

Parece que já nom é avondo com assistirmos ao vergonhoso espetáculo de umha casta política milionária ou uns meios de informaçom privados que unicamente som viáveis graças aos subsídios públicos, embandeirados com a poupaçna e a austeridade. Agora, também o multimilionário monarca espanhol pretende dar liçons de sacrifício.

O proclamado Juan Carlos I dista muito da imagem que os meios de comunicaçom construírom durante estes mais de 35 anos. O rei que Franco designou mantém umha estreita relaçom com a burguesia e umha predileçom polos negócios sujos que lhe reportou uns excelentes lucros. Assim, desde o seu casamento, momento em que quase carecia de património pessoal, amassou umha fortuna calculada no ano 2003 em 2.500 milhons de euros em opacas operaçons que som facilitadas pola imunidade penal e a sobreproteçom de que desfruta.

Porém, o bourbon tampouco é imune à crise. Por causa da mesma, a Casa Real espanhola viu congelada por primeira vez na história a sua verba, que em 2011 atingiu os 8,43 milhons de euros. Todo um exemplo de sacrifício.