Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Notícias

BRIGA apresenta campanha da VII Jornada de Rebeliom Juvenil

Segunda-feira, 4 Julho 2011

O passado domingo, 3 de julho, representantes da Mesa Nacional de BRIGA apresentavam em Compostela a campanha da VII Jornada de Rebeliom Juvenil, que decorrerá o próximo 24 de Julho na capital da Galiza.

Carlos Garcia Seoane, em representaçom da organizaçom juvenil revolucionária, explicou os eixos da campanha, que girará à volta da legenda “A rua é nossa. No caminho cara a independência”. Para o dirigente de BRIGA “a legenda é acaída após as manifestaçons populares de rechaço ao sistema político vigorante, os sucessivos protestos sindicais ou as mobilizaçons feministas que tingírom este curso político as ruas com as cores da frustraçom, a indignaçom, o descontentamento, a raiva, a luita e as alternativas por um outro mundo possível.”

Luzia Leirós pola sua parte assinalou que “nos próximos dias BRIGA estará presente nas ruas e muros do País” para levar a mensagem da juventude rebelde às comarcas.

Iago Barros explicou pola sua parte o programa da jornada que começará com umha marcha que percorrerá as ruas de Compostela, com saída da Alameda de Compostela às 22hs.

A partir das 23hs começará em Belvis a parte lúdica da jornada com a música heavy dos abertzales Su Ta Gar, o hip hop combativo dos portugueses Nos Ki Nasi Homi Ki Ta Mori e dos galegos Raiba e Cuchufelhos.