Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

CIG mobiliza-se contra a reforma da negociaçom coletiva

Domingo, 12 Junho 2011

A CIG convoca umha jornada de mobilizaçom contra a reforma da negociaçom coletiva aprovada polo Conselho de Ministros. A jornada decorrerá a próxima quarta-feira dia 16 em Compostela e consistirá em umha grande Assembleia de delegad@s no Pazo de Congressos e umha mobilizaçom que percorrerá as ruas da capital a partir das 12h30.

Se a central visibilizará a oposiçom nacional à reforma nas ruas de Compostela, a passada sexta-feira, quando o Conselho de Ministros aprovava o Decreto Lei sobre a negociaçom coletiva, a CIG convocava umha concentraçom para denunciar o conteúdo regressivo e anti-obreiro desta nova reforma do governo do PSOE.

Transcorridos uns minutos das 12h00, diante do prédio da Junta da Galiza na cidade ferrolá, a central visibilizava a oposiçom a umha reforma que, tal e como se preveia, foi desenhado à medida dos interesses da patronal. De facto, se desde este portal já denunciávamos o conteúdo do borrador que o governo filtrara aos meios de comunicaçom, o texto definitivo do Decreto Lei incide e alarga os aspetos mais lesivos com os interesses da classe obreira.

A CIG inícia o caminho da mobilizaçom contra esta nova reforma anti-obreira, exigida polo grande capital, cozinhada pola patronal e os sindicatos institucionalizados e aplicada polo governo do PSOE. Lá estaremos.