Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Notícias

Editado AGITA número 8

Sexta-feira, 10 Junho 2011

A organizaçom estudantil da esquerda independentista AGIR vem de tirar o oitavo número do seu vozeiro nacional, o AGITA, com uns conteúdos maioritariamente dirigidos à analise do processo de elitizaçom e mercantilizaçom que vive o ensino, agravado pola profunda crise capitalista.

Assim, a militáncia de AGIR apresenta um estudo da Estratégia Universitária 2015, novo plano estratégico do Ministério de Educaçom espanhol que “se traduz na conversom das universidades em entidades que atuem baixo critérios de rendabilidade empresarial”. Também afirma na editorial o papel fulcral que tenhem as taxas na elitizaçom e reconversom da Universidade.

Aliás, há espaço neste novo número do vozeiro do estudantado independentista para achegar um olhar sobre o Movimento Estudantil Argentino, no que um militante do mesmo realiza umha reflexom crítica das derrotas, sucessos e reptos do estudantado do pais austral; além dumha pequena crónica das celebraçons do décimo aniversário da organizaçom estudantil do MLNG.

Por último, reproduzem-se nas páginas do AGITA dous comunicados. O primeiro sobre a criaçom dumha organizaçom estudantil nacionalista, sobre a qual AGIR realiza umha visom crítica analítica. O segundo está assinado por “Feministas de Magistério” e revindica umha açom de protesto contra um professor machista desta faculdade.

A militáncia de AGIR está a repartir o seu vozeiro de maneira massiva por diversas faculdades e liceus, tarefa para a qual ajudamos desde estas linhas disponibilizando o mesmo em versom de fácil leitura: